Top Bar

For news & photos - trikaripurvartha@gmail.com

Ad Right 450*105

HorizMenu

തൃക്കരിപ്പൂർ ഫുട്ബോൾ ടൈറ്റാനിയം സെമിയിൽ

[]

തൃക്കരിപ്പൂർ: ആക്‌മി തൃക്കരിപ്പൂരും അൽഹുദാ ബീരിച്ചേരിയും സംയ്ക്തമായി സംഘടിപ്പിച്ചു വരുന്ന അഖില കേരളാ അംഗീകൃത സെവൻസ് ഫുട്ബോൾ ടൂർണ്ണമെന്റിൽ  മലബാർ സ്പെഷ്യൽ പൊലീസ് മലപ്പുറത്തെ  ഒന്നിനെതിരെ നാലുഗോളുകൾക്ക് തിരുവനന്തപുരം ടൈറ്റാനിയം പരാജയപ്പെടുത്തി. ആവേശകരമായ മൽസരമാണ്‌ ഇരു ടീമുകളും കാഴ്ച്ച വെച്ചത്. ജിംഗാന തൃശൂരിനെയും പയ്യന്നൂർ കോളേജിനെയും മലർത്തിയടിച്ച് കാണികളെ കയ്യിലെടുത്ത മലബാർ പൊലീസിനാണ്‌ ഞായറാഴ്ച്ചയും കാണികലുടെ പിന്തുണ. തിങ്കളാഴ്ച്ച ആദ്യ സെമി ഫൈനൽ മൽസരത്തിൽ ടൈറ്റാനിയം തിരുവനന്തപുരം മൊഗ്രാൽ സ്പോർട്സ് ക്ലബ് മൊഗ്രാലുമായി മാറ്റുരക്കും.


നവീകരണ ദ്രവ്യകലശ ഉത്സവത്തിന്‌ കലവറ നിറഞ്ഞു

[]


തൃക്കരിപ്പൂർ: ഉദിനൂർ ക്ഷേത്ര പാലക ക്ഷേത്രം നവീകരണ കലശ ഉത്സവത്തിന്റെ ഭാഗമായി കലവറ നടന്നു.ക്ഷേത്ര പാലക തിരുനടയായ നടക്കവിൽ നിന്നുമാണ്‌ കലവറ നിറക്കൽ ഘോഷയാത്ര പുറപ്പെട്ടത്. ഘോഷ യാത്രയിൽ നൂർക്കണക്കിന്‌ സ്ത്രീകൾ അണിനിരന്നു.വൈകീട്ട് നാലിന്‌ അക്ഷര ശ്ളോക സദസ്സ് സംഘടിപ്പിച്ചു. ആറിന്‌ നടന്ന സാംകാരീക സമ്മേളനം പി കരുണാകരൻ എം.പി ഉദ്ഘാടനം ചെയ്തു.എ മാധവൻ അധ്യക്ഷത വഹിച്ചു.തുടർന്ന് ഗാനമേള അരങ്ങേറി.

പെരിയ കാറപകടം പരിക്കേറ്റ കുട്ടി മരിച്ചു

[]

തൃക്കരിപ്പൂർ:കാസർകോട് പെരിയയിൽ കാറും ലോറിയും കൂട്ടിയിടിച്ച് പരിക്കേറ്റ് ചിൽസയിലായിരുന്ന രണ്ടുവയസ്സുകാരൻ മരിച്ചു. പടന്ന കാന്തിലോട്ടെ പാണ്ടിയാൽ ഹൗസിൽ എം അയൂബിന്റെയും പി സാബിറയുടെയും മകൻ അഫ്രാസാണ്‌ മംഗലാപുരം ആശുപത്രിയിൽ മരണപ്പെട്ടത്. ശനിയാഴ്ച്ച വൈകീട്ട് നാലുമണിയോടെ പെരിയ ദേശീയ പാതയിലുണ്ടായ അപകടത്തിൽ അഫ്രാസിന്റെ സഹോദരൻ അഫ്രീദ് മരിച്ചിരുന്നു. ഉമ്മ സാബിറ ഓടിച്ചിരുന്ന കാറാണ്‌ അപകടത്തിപ്പെട്ടത്. പരിക്കേറ്റ സാബിറയും മംഗലാപുരം ആശുപത്രിയിൽ ചികിൽസയിലാണ്‌.

യു.ഡി.എഫ് പഞ്ചായത്ത്‌ ഓഫീസ് ധർണ്ണ നടത്തി

[]
തൃക്കരിപ്പൂർ : ജനങ്ങൾക്കൊപ്പം നിന്ന് പ്രവർത്തിക്കുന്ന സ്ഥാപനമാവണം തദ്ദേശ സ്വയം ഭരണ മേഖലയെന്ന് കെ പി സി സി ജനറൽ സെക്രട്ടറി കെ പി കുഞ്ഞിക്കണ്ണൻ അഭിപ്രായപ്പെട്ടു . 
      കെട്ടിട നികുതി വർദ്ധനവിലെ അപാകതകൾ പരിഹരിക്കണമെന്നാവശ്യപ്പെട്ട് പടന്നയിൽ യു ഡി എഫ് ആരംഭിച്ച പ്രക്ഷോഭ പരിപാടികളുടെ ആദ്യപടിയായി നടത്തിയ പഞ്ചായത്ത് ഓഫീസ് ധർണ്ണ ഉദ്ഘാടനം ചെയ്യുകയായിരുന്നു അദ്ദേഹം . ഗാന്ധിജി വിഭാവനം ചെയ്ത ഗ്രാമ സ്വാരാജ് നടപ്പാക്കുന്ന പ്രസ്ഥാനം എന്ന നിലയിൽ തദ്ദേശ സ്ഥാപനങ്ങൾ ജനങ്ങളെ സഹായിക്കുന്നതിന് പകരം ബുദ്ധിമുട്ടിക്കുന്ന രീതി ഒഴിവാക്കണം . എങ്കിലെ യഥാർത്ഥ ഗ്രാമ സ്വാരാജ് നടപ്പാവൂ എന്നും കുഞ്ഞിക്കണ്ണൻ കൂട്ടിച്ചേർത്തു . 
                           യു.ഡി എഫ് ഭരിക്കുന്ന തൃക്കരിപ്പൂർ ഗ്രാമ പഞ്ചായത്തിൽ ഉള്ളതിനേക്കാൾ വൻ വർദ്ധനവ് പടന്ന പഞ്ചായത്ത്‌ അധികൃതർ നികുതിയിനത്തിൽ പിരിക്കുന്നതാണ് ജനകീയ പ്രക്ഷോഭത്തിന് നേതൃത്വം നൽകാൻ യു ഡി എഫിനെ പ്രേരിപ്പിച്ചതെന്ന് പടന്ന പഞ്ചായത്ത് യു ഡി എഫ് നേതാക്കൾ അറിയിച്ചു.  
വാണിജ്യാവശ്യത്തിനും പാർപ്പിടാവശ്യത്തിനും കെട്ടിടങ്ങൾക്ക് നിർദേശിച്ച തുക അട്ടിമറിച്ച് അമിത തുക ഈടാക്കുന്ന പടന്ന ഗ്രാമ പഞ്ചായത്ത്‌ ഇത് തിരുത്തിയെ തീരൂ എന്ന് ധർണ്ണയിൽ സംസാരിച്ച യു ഡി എഫ് നേതാക്കൾ ആവശ്യപ്പെട്ടു . അശാസ്ത്രീയ നികുതി വർദ്ധനവ് പിൻവലിക്കും വരെ സമരം നടത്തുമെന്നും അവർ പറഞ്ഞു .
 യു ഡി എഫ് പടന്ന പഞ്ചായത്ത് ചെയർമാൻ പി സി മുഹമ്മദ്‌ സാലി അധ്യക്ഷനായിരുന്നു .  പി കെ ഫൈസൽ,യു ഡി എഫ് നിയോജക മണ്ഡലം ചെയർമാൻ വി കെ പി ഹമീദലി,ജില്ലാ ലീഗ് വൈസ് പ്രസിഡണ്ട് കെ എം ഷംസുദ്ദീൻ, കെ പി പ്രകാശൻ,യു ഡി എഫ് പഞ്ചായത്ത് കണ്‍വീനർ കെ പി കൃഷ്ണൻ മാസ്റ്റർ, കുഞ്ഞമ്പു,പി കെ സി റൌഫ് ഹാജി,പി വി  മുഹമ്മദ്‌ അസ്ലം, പി കെ ഷുക്കൂർ ഹാജി സംസാരിച്ചു . നേരത്തെ പടന്ന മൂസാഹാജി മുക്കിൽ നിന്നും പ്രകടനമായി എത്തിയാണ് പഞ്ചായത്ത് ഓഫീസിന് മുന്നിൽ ധർണ്ണ നടത്തിയത് . യു ഡി എഫ് നേതാക്കളായ കെ ഹുസൈനാർ കുഞ്ഞി,സി വി ഭരതൻ,വി കെ മക് സൂദലി,ടി വി ഷെരീഫ് ഹാജി,വി സജീവൻ,സി വി എം വി ശിഹാബ് മാസ്റ്റർ,കെ സുലൈമാൻ,കെ നാസർ,എ ജി കമറുദ്ദീൻ,സി വി അനിൽ  ധർണ്ണക്ക് നേതൃത്വം നൽകി.  

ക്ഷീണിച്ചും തളർന്നും കത്തുന്ന വെയിലിൽ ഉപഭോക്താക്കൾ

[]

തൃക്കരിപ്പൂർ: ആശങ്കകൾക്കും അഭ്യ്യ്ഹങ്ങൾക്കുമിടയിൽ റേഷൻ കാർഡ് പുതുക്കുന്നതിനുള്ള ഫോട്ടോ എടുത്തു തുടങ്ങി. ഇന്നലെ തൃക്കരിപ്പൂർ ഗവ: വൊക്കേഷണൽ ഹയർസെക്കൻഡറി സ്കൂളിലും തങ്കയം മുനീറുൽ ഇസ്‌ലാം മദ്‌റസാ ഹാളിലുമാണ്‌ തൃക്കരിപ്പൂർ ഭാഗത്തെ നാലു റേഷൻ കടകളിലെ ഉപഭോക്താക്കൾക്ക് കാർഡ് പുതുക്കുന്നതിനുള്ള ഫോട്ടോ എടുത്തു തുടങ്ങിയത്. രാവിലെ ആറുമണി മുതൽ തന്നെ ഫോട്ടോ എടുപ്പ് കേന്ദ്രങ്ങളിൽ പൂരിപ്പിച്ച അപേക്ഷാ ഫോറവുമായി റേഷൻ കാർഡ് ഉടമകൾ എത്തിയിരുന്നു. വെയിൽ കനത്തതോടെ കത്തുന്ന വെയിലിലാണ്‌ വയോജനങ്ങളായ  സ്ത്രീകളും മുലയൂട്ടുന്ന അമ്മമാർ കൈകുഞ്ഞുങ്ങളുമായി എത്തിയത്. അപേക്ഷാ ഫോറത്തോടൊപ്പം പലരും തിരിച്ചറിയൽ കാർഡുകളും, എൻ.പി.ആർ,ആധാർ തുടങ്ങിയ കാർഡുകളുമായാണ്‌ എത്തിയത്. സ്ത്രീകളടക്കമുള്ളവർക്ക് പലർകും എന്ത് ചെയ്യണമെന്നറിയാതെയാണ്‌ എത്തിയത്. മുതിർന്ന വനിത എന്ന ആശയം പലരേയും ബുദ്ധിമുട്ടിച്ചു. കിടപ്പിലായവരെ വരെ ഫോട്ടൊ എടുകുന്നതിനായി പലരും കൊണ്ടു വന്നു.

കത്തുന്ന ചൂടിൽ നാരങ്ങാവെള്ളവും, സഹായങ്ങളുമായി മുസ്‌ലിം ലീഗ് പ്രവർത്തകർ
തൃക്കരിപ്പൂർ: റേഷൻ കാർഡ് പുതുക്കൽ പ്രക്രിയക്ക് ഫോട്ടോ എടുക്കാൻ വന്ന റേഷൻ കാർഡ് ഉടമകൾ കത്തുന്ന വെയിലിൽ മണിക്കൂറുകളോളം ക്യൂവിൽ നിന്ന് ബുദ്ധിമുട്ടുന്നവർക്ക് തണുത്ത നാരങ്ങാവെള്ളവുമായി പഞ്ചായത്ത് മുസ്‌ലിം ലീഗ് പ്രവർത്തകർ രംഗത്തെത്തിയത് പലരുടെയും ദാഹകമറ്റി. കൂടാതെ ജിലാ ലീഗ് സെക്രട്ടറിയും ഗ്രാമപഞ്ചായത്ത് പ്രസിഡന്റ് എ.ജി.സി ബഷീറിന്റെ നേതൃത്വത്തിലുള്ള ലീഗ് പ്രവർത്തകരുടെ ഹെൽപ്പ് ഡെസ്ക് ഫോറം പൂരിപ്പിക്കാതെയും മറ്റ് കാര്യങ്ങളുമായി ബുദ്ധിമുട്ടുന്നവരെ സഹായിക്കുനെത്തിയത് വളരെയധികം പ്രശംസ പിടിച്ചു പറ്റുന്നതായിരുന്നു.കൂടാതെ ഉപഭോക്‌തൃ സംരക്ഷണ സമിതിയും, ജനതാദൾ (യു) വിന്റെയും നേതൃത്വത്തിൽ ഹെൽപ്പ് ഡെസ്ക് പ്രവർത്തിച്ചിരുന്നു.

പ്രതിഷേധവുമായി ഫോട്ടോഗ്രാഫർമാർ
തൃക്കരിപ്പൂർ:തങ്ങളുടെ തൊഴിൽ മേഖലകളിൽ കടന്നുകയറ്റത്തിൽ പ്രതിഷേധിച്ച് ആൾകേരളാ ഫോട്ടോ ഗ്രാഫേഴ്സ് അസോസിയേഷൻ തൃക്കരിപ്പൂർ യൂനിറ്റിന്റെ നേതൃത്വത്തിൽ റേഷൻ കാർഡ് പുതുക്കുന്നതിനുള്ള ഫോട്ടോ എടുപ്പ് കേന്ദ്രമായ തൃക്കരിപ്പൂർ ഗവ: വൊക്കേഷണൽ ഹയർസെക്കൻഡറി സ്കൂളിലേക്ക് പ്രതിഷേധ പ്രകടനവും ധർണ്ണയും നടത്തി. വെബ്ബ് ക്യാമറ ഉപയോഗിച്ച് ആർക്കും തിരിച്ചറിയാൻ പറ്റാത്ത രീതിയിൽ ഫോട്ടോ എടുത്ത് തങ്ങളുടെ തൊഴിൽ മേഖലകളിലെ കടന്നുകയറ്റം അനുവദിക്കാൻ കഴില്ലെന്നാരോപിച്ചാണ്‌ പ്രതിഷേധ പ്രകടനം നടത്തിയത്. പ്രകടനം സ്കൂൾ ഗെയിറ്റിൽ പൊലീസ് തടഞ്ഞു.പ്രകടനത്തിന്‌ ഫോട്ടോ ഫാസ്റ്റ് കണ്ണൻ,അമീറലി ഒളവറ,എ.ജി അഷ്‌റഫ്, മുഹമ്മദ് കുഞ്ഞി, സേറ്റു ചൈത്രം നേതൃത്വം നൽകി. 

More News

TellAFriend

SocialTwist Tell-a-Friend