Top Bar

For news & photos - trikaripurvartha@gmail.com

Ad Right 450*105

HorizMenu

സപ്ലൈക്കോയുടെ ഓണ ചന്ത ഉദ്ഘാടനത്തിനെത്തിയ എം എൽ യെ അവഹേളിച്ചു.

[]


തൃക്കരിപ്പൂർ: സിവിൽ സപ്ലൈസിന്റെ തൃക്കരിപ്പൂർ ടൗണിൽ പ്രവർത്തിക്കുന്ന സപ്ലൈക്കോ ഓണചന്ത ഉദ്ഘാടനം ചെയ്യാനെത്തിയ കെ കുഞ്ഞിരാമൻ എം എൽ എ ഉദ്ഘാടന ചടങ്ങിൽ കാത്തുനിൽക്കതെ മടങ്ങി.തിങ്കളാഴ്ച്ച  രാവിലെ പത്ത് മണിക്ക് ചടങ്ങിനെത്തണമെന്ന് എം എൽ എയെ അറിയിച്ചിരുന്നു. പരിപാടികളിൽ കൃത്യത പുലർത്തുന്ന കെ കുഞ്ഞിരാമൻ എം എൽ എ സമയത്ത് തന്നെ എത്തിയേങ്കിലും ഉദ്ഘാടന പരിപാടികളോ ചടങ്ങിന്‌ എത്തുന്നവർക്ക് കസേരയോ മൈക്ക് സെറ്റോ ഒന്നും ഒരുക്കിയിരുന്നില്ല. അരമണിക്കൂറോളം അവിടെ ചിലവഴിച്ച എം എൽ എ ചടങ്ങിൽ അധ്യക്ഷ സ്ഥാനം അലങ്കരിക്കേണ്ട പഞ്ചായത്ത് പ്രസിഡന്റിനോട് ഉദ്ഘാടനം ചെയ്യാൻ ആവശ്യപ്പെട്ടെങ്കിലും എം എൽ എയെ അവഹേളിച്ച ചടങ്ങിൽ ഞാനും സംബന്ധിക്കില്ലെന്ന് അറിയിച്ച് ഇറങ്ങിയയതൊടെ ആശംസകൾ നേരാനെത്തിയ സർവകഷി നേതാക്കളും സ്ഥലം വിട്ടു. എം എൽ എ എന്ന നിലയിൽ എന്നെ അവഹേളിച്ച സംഭവം ബന്ധപ്പെട്ട കമ്മറ്റിയിൽ അറിയിക്കുമെന്ന് കെ കുഞ്ഞിരാമൻ പറഞ്ഞു .

എ ബി സലാം ഹാജി വധം വിധി ചൊവ്വാഴ്ച്ച

[]

തൃക്കരിപ്പൂർ: ജീവകാരുണ്യ പ്രവർത്തകനും ദുബൈ കെ എം സി സി നേതാവും പ്രവാസി വ്യവസായിയുമായിരുന്ന തൃക്കരിപ്പൂർ വെള്ളാപ്പിലെ എ ബി അബ്ദുൽ സലാം ഹാജി(59)യെ വീട്ടിൽ കയറി കൊലപ്പെടുത്തി കൊള്ളയടിച്ച കേസിൽ കാസർഗോഡ് ജില്ലാ അഡീ.സെഷൻസ് കോടതി(മൂന്ന്)ചൊവ്വാഴ്ച വിധി പറയും.പ്രതികൾ കുറ്റക്കാരെന്ന് കണ്ടെത്തിയാൽ ഇവർക്കുള്ള ശിക്ഷ രണ്ടു ദിവസത്തിനകം കോടതി പ്രഖ്യാപിക്കും. നാടിനെ നടുക്കിയ കൊലപാതകത്തിലെ പ്രതികൾക്ക് അർഹമായ ശിക്ഷ ലഭിക്കണമെന്ന പ്രർത്ഥനയാണ്‌ ജാതിമത രാഷ്ട്രീയ ഭേദമന്യേ നാട്ടുകാർക്ക്.
2013 ആഗസ്ത് നാലിന്‌ റമദാൻ ഇരുപത്തി ഏഴാം രാവിൽ പതിനൊന്നിനും 12നും ഇടയിലാണ്‌ സംഭവം നടന്നത്.കോളിംഗ് ബെല്ലിന്റെ ശബ്ദം കേട്ട് വാതിൽ തുറന്ന സലാം ഹാജിയെ അകത്ത് കടന്ന സംഘം അടിച്ചു വീഴ്ത്തുകയും പാക്ക്ചെയ്യാനുപയോഗിക്കുന്ന പ്ലാസ്റ്റിക് ടാപ്പ് ഉപയോഗിച്ച് ബന്ധസ്ഥനാക്കുകയും ഭാര്യ സുബൈദ, മക്കളായ സുഫിയാൻ, സഫ എന്നിവരെ റൂമിനകത്ത് പൂട്ടിയിടുകയും ചെയ്ത് ശേഷം വീട് കൊള്ളയടിച്ചു. ഇതിനിടെ ശ്വാസം മുട്ടി സലാം ഹാജി മരണപ്പെടുകയും ചെയ്തു.കേസിന്റെ അന്വേഷണം ഏറ്റെടുത്ത നീലേശ്വരം സർക്കിൾ ഇൻസ്പെക്ടർ ടി എൻ സജീവൻ സംഭവം നടന്ന് ഒരാഴ്ചക്കകം  രണ്ടു പേരെ അറസ്റ്റു ചെയ്തു. ഒന്നും മൂന്നും പ്രതികളായ നീലേശ്വരം കോട്ടപ്പുറം ആനച്ചാലിലെ ഇ കെ മുഹമ്മദ് നൗഷാദ് (36), ബന്ധുവായ ഇ കെ മുഹമ്മദ് റമീസ്(27) എന്നിവരാണ്‌ ആദ്യം അറസ്റ്റിലായത്.രണ്ടു നാലും പ്രതികളായ തൃശൂർ കേച്ചേരി ചിരനെല്ലൂർ ഒരുവിലെ മുഹമ്മദ് അഷ്‌ക്കർ(30), സഹോദരൻ ഷിഹാബ്(28) എന്നിവരെ നേപ്പാളിലേക്ക് കടക്കുന്നതിനിടെ അലഹാബാദിൽ ബസ്സിൽ നിന്നാണ്‌ അന്വേഷണ ഉദ്യോഗസ്ഥർ പിടികൂടിയത്. കണ്ണൂർ ഇടചൊവ്വ സ്വദേശിയും  നിമിത്തിനെ മലപ്പുറം പാണ്ടിക്കാട് ക്രഷറിയിൽ ജോലിക്കിടെ പുലർച്ചെ താമസ സ്ഥലം വളഞ്ഞാണ്‌ പിടികൂടിയത്.അഞ്ചാം പ്രതി മലപ്പുറം കണ്ടനകം അമേൽ വീട്ടിൽ അമീർ(24), മലപ്പുറം ചങ്ങരംകുളം ആലങ്കോട് മാമാടിപ്പടി മൂരിയത്ത് വളപ്പിൽ ജസീർ, നീലേശ്വരം തെരുവിലെ മുഹ്സിൻ എന്നിവരെ വിവിധ സ്ഥലങ്ങളിൽ നിന്നായി പിടികൂടി. സംഭവത്തിൽ 1600 പേജുള്ള കുറ്റപത്രമാണ്‌ പോലീസ് തയ്യാറാക്കി കോടതിയിൽ സമർപ്പിച്ചത്. സലാം ഹാജിയുടെ ഭാര്യ സുബൈദ, മക്കളായ സുഫിയാൻ, സഫ എന്നിവരടക്കം 174 സാക്ഷികളാണുള്ളത്. കൂടാതെ പ്രതികൾ താമസിച്ച കാഞ്ഞങ്ങാട്ടെ ലോഡ്ജിലെ ജീവനക്കാർ, കാഞ്ഞങ്ങാട് കോട്ടച്ചേരിയിലെ മൊബൈൽ സിം കാർഡ് വിൽക്കുന്ന സ്ഥാപനത്തിലെ ജീവനക്കാർ, നീലേശ്വരത്തെ മൊബൈൽ കടയിലെ ജീവനക്കാർ ഇവരെല്ലാം പ്രധാന സാക്ഷികളാണ്‌. എട്ടു പ്രതികളിൽ മുഹ്‌സിൻ ഒഴികെ ഏഴു പേരും ഇപ്പോഴും റിമാന്റിലാണ്‌. നൗഷാദും റമീസും സലാം ഹാജിയുടെ വീടിന്‌ വെളിയിലിരുന്ന് ഓപ്പറേഷന്‌ നിർദ്ദേശം നൽകുകയായിരുന്നു.അസ്‌ക്കർ,ശിഹാബ്,ജസീർ,നിമിത്ത് എന്നിവർ സലാം ഹാജിയുടെ വീടിനകത്ത് ഹാജിയെ അടിച്ചു വിഴ്ത്തുകയും വീട്ടുകാരെ ബന്ധസ്ഥരാക്കി കവർച്ച നടത്തി നടത്തി തിരിച്ചു പോവുകയായിരുന്നു.ഇതിനിടയിൽ സലാം ഹാജിയുടെ മരണം സംഭവിക്കുകയും ചെയ്തിരുന്നു. ഒന്നുമുതൽ ഏഴുവരെയുള്ള പ്രതികൾ ഹൈക്കോടതിയിൽ ജാമ്യപേക്ഷ നൽകിയെങ്കിലും കോടതി നിരസിക്കുകയായിരുന്നു. സംഭവത്തിൽ നേരിട്ട് ബന്ധമില്ലാത്തതും സംഘത്തിന്‌ സഞ്ചരിക്കാൻ വാഹനം വിട്ടു നൽകുകയും ചെയ്ത എട്ടാം പ്രതി മുഹ്‌സിന്‌ ഹൈക്കോടതി ജാമ്യം അനുവദിച്ചിരുന്നു. 174 സാക്ഷികളിൽ 114 പേരെ വിവിധ ഘട്ടങ്ങളിലായി കോടതി വിസ്തരിച്ചു. കാരുണ്യ പ്രവർത്തകനാ​‍ൂം ജാതിമത രാഷ്ട്രീയ ഭേദമന്യേ എല്ലാവർക്കും സുസമ്മതനായ സലാം ഹാജിയുടെ കൊലപാതകത്തിന്‌ കാരണക്കാരായവർക്ക് അർഹമായ ശിക്ഷ ലഭിക്കുമെന്നാണ്‌ തൃക്കരിപ്പൂർ പൗരാവലി വിശ്വസിക്കുന്നത്. സംഭവം നടന്ന് പഴുതുകളടച്ച് അന്വേഷണം നടത്തി പ്രതികളെ നിയമത്തിന്‌ മുന്നിൽ കൊണ്ടുവന്ന അന്വേഷണ തലവൻ സി ഐ ടി എൻ സജീവൻ, എസ് ഐ മോഹനൻ, കാസർഗോഡ് പോലീസ് മേധാവിയുടെ സ്പെഷ്യൽ സ്ക്വാഡിലെ കമലാക്ഷൻ, നാരായണൻ, ബാലകൃഷ്ണൻ, ദിവാകരൻ,അബൂബക്കർ, ദിനേശൻ,മഹേന്ദ്രൻ, പി ചന്ദ്രൻ, കണ്ണൂർ എസ് പി സ്ക്വാഡിലെ ബേബി ജോർജ്, റാഫി അഹമ്മദ്, വിനോദ് കുമാർ, റജി സക്കറിയ,ജയരാജൻ, മാത്യു ജോസഫ് എന്നിവരെ തൃക്കരിപ്പൂരിലെ പൗരാവലി ആദരിക്കുകയുണ്ടായി.

സു“ധീരന്‌” ധൈര്യം പകർന്ന് മഹിളകൾ

[]


തൃക്കരിപ്പൂർ: കെ.പി.സി.സി പ്രസിഡന്റ് വി.എം സുധീരന്‌ ധൈര്യം പകർന്ന് മഹിളകൾ. കഴിഞ്ഞ ദിവസം കാസർഗോഡ് ജില്ലയിൽ വിവിധ പരിപാടികൾക്കെത്തിയ കെ പി സി സി പ്രസിഡന്റിനെ വിവിധ പരിപാടികളിലും വി എം സുധീരൻ സംബന്ധിച്ച കല്യാണ ചടങ്ങിലും വനിതകൾ കൂട്ടമായെത്തി അഭിനന്ദിക്കുകയായിരുന്നു. ജാതിമത രാഷ്ട്രീയ ഭേദമില്ലാതെയാണ്‌ മഹിളകൾ സുധീരന്‌ അഭിനന്ദനം അറിയിച്ചത്. കടുമേനിയിലെ കല്യാണ വീട്ടിൽ എത്തിയ നൂറുക്കണക്കിന്‌ സ്ത്രീകൾ വി എം സുധീരനെ വളഞ്ഞ് സർക്കാറിന്റെ പുതിയ മദ്യനയത്തെ അനുകൂലിച്ചു. ഇപ്പോഴാണ്‌ കോൺഗ്രസിൽ ധീരനായ പ്രസിഡന്റിനെ കാണാൻ കഴിഞ്ഞതെന്നും അങ്ങ് ശക്തമായി മുന്നോട്ടു പോകണം അതിന്‌ കേരളത്തിലെ വീട്ടമ്മമാരുടെ കരുത്തും പ്രാർത്ഥനയും ഒപ്പമുണ്ടാകുമെന്ന് അറിയിച്ചത്, നിലവിലെ സർക്കാർ മദ്യ വിൽപ്പന ശാലയായ ബീവറേജ് കൂടി ഇല്ലാതാക്കണമെന്ന് അറിയിച്ചാണ്‌ മഹിളകൾ സ്ഥലം വിട്ടത്.

കനത്ത മഴയിലും കാറ്റിലും വൾവക്കാട് പ്രദേശത്ത് നാശനഷ്ടം

[]


തൃക്കരിപ്പൂർ: കഴിഞ്ഞ ദിവസം രാത്രിയിലുണ്ടായ കനത്ത മഴയിലും കാറ്റിലും തൃക്കരിപ്പൂർ വൾവക്കാട് പ്രദേശത്ത് വൻ നാശനഷ്ടം. രാത്രി എട്ടുമണിയോടെ വീശിയടിച്ച കാറ്റിൽ വൾവക്കാട് അൻവാറുൽ ഇസ്ലാം മദ്‌റസയുടെ മേൽക്കൂര ഭാഗീഗമായി തകർന്നു. തൊട്ടടുത്ത് സ്ഥിതി ചെയ്യുന്ന താഴത്തെ വളപ്പ് തറവാടിന്റെ  മുകളിലേക്ക് വൻമരം കടപുഴകി വീണ്‌ മേൽക്കൂര ഭാഗീകമായി തകർന്നിട്ടുണ്ട്. മദ്‌റസ പരിസരത്തെ ടി പി അബ്ദുൽ ലത്തീഫിന്റെ വീട്ടിലെ കായ്ഫലമുള്ള മൂന്ന് തെങ്ങുകളും കടപുഴകി. തൊട്ടടുത്ത പി പി ഇസ്മയിലിന്റെ വീട്ടിലെ തെങ്ങുകളും കാറ്റിൽ നിലം പതിച്ചു. പരിസരത്തെ മരങ്ങളും സ്ക്കൂൾ മുറ്റത്തെ തണൽ മരവും കടപുഴകി. കഴിഞ്ഞ ദിവസം രാത്രി വൈദ്യുതി ബന്ധം പൂർണമായും നിലച്ചിരുന്നു. ഇന്നലെ പുലർച്ചയാണ്‌ വൈദ്യുതി പുനസ്ഥാപിച്ചത്.നടക്കാവിൽ നിന്നെത്തിയ അഗ്നിശമന സേനയും ആട്ടുകാരും ചേർന്ന് കടപുഴകിയ മരങ്ങൾ മുറിച്ചു നീക്കി. പഞ്ചായത്ത് പ്രസിഡന്റ് എ ജി സി ബഷീർ, തെക്കെ തൃക്കരിപ്പൂർ വില്ലേജ് ഓഫീസ എന്നിവർ സ്ഥലത്തെത്തി നാശനഷ്ടങ്ങൾ കണക്കാക്കി.


പാരൽ കോളേജിൽ പഠിച്ച ഷാഹിദക്ക് ബി എ ഒന്നാം റാങ്ക്

[]


തൃക്കരിപ്പൂർ: കണ്ണൂർ സർവ്വകലാശാല നടത്തിയ ബി എ സോഷ്യോളജി പരീക്ഷയിൽ തൃക്കരിപ്പൂർ വടക്കെകൊവ്വലിലെ എം ഷാഹിദക്ക് ഒന്നാം റാങ്ക്. റാങ്കുകൾ റഗുലർ കോളേജുകളിലെ കുത്തകയാണെങ്കിലും പാരൽ കോക്കേജിൽ പഠിച്ചാണ്‌ ഷാഹിദ ഒന്നാം റാങ്ക് കരസ്ഥമാക്കിയത്. തൃക്കരിപ്പൂർ വി പി പി മുഹമ്മദ് കുഞ്ഞി പട്ടേലർ സ്മാരക് ഗവ: ഹയർസെക്കന്ററി സ്കൂളിൽ നിന്ന് എസ് എസ് എൽ സിയും ഉദിനൂർ ഗവ: ഹയർസെക്കന്ററി സ്ക്കൂളിൽ നിന്നും പ്ലസ്ടു കോഴ്സും പാസായ ഷാഹിദക്ക് ബി എ ഇംഗ്ലീഷിന്‌ റഗുലർ കോളേജിൽ അഡ്മിഷൻ ലഭിച്ചിരുന്നുവെങ്കിലും സോഷ്യോളജിയോടുള്ള താൽപര്യം പാരൽ കോളേജിൽ ചേരുകയായിരുന്നു. അധ്യാപികയാകണമെന്ന ആഗ്രഹത്താൽ മലപ്പുറം എം സി ടി കോളേജിൽ അപേക്ഷ നൽകി കാത്തിരിക്കുകയാണ്‌ ഈ മിടുക്കി. തൃക്കരിപ്പൂർ  ടൗണിലെ വ്യാപാരിയായ എ കെ ഷാഹുൽ ഹമീദിന്റെയും എം സുബൈദയുടെയും മകളാണ്‌ ഷാഹിദ.

More News

TellAFriend

SocialTwist Tell-a-Friend